د افغانستان د اسعارو د ترویج او د بهرنیو اسعارو د مخنیوي کمیټې چارواکي په کندهار ولایت کې د ۱۵ میلیونه او ۳۰۰ زره پاکستانۍ کلدارو د راټولولو خبر ورکوي.

د سوداګرۍ او صنایعو وزارت چارواکي وايي، د دغه وزارت سرپرست په روسیه کې د ایران د اسلامي جمهوریت له سفیر سره په کتنه کې د دواړو هېوادونو ترمنځ د اقتصادي اړیکو پر پراختیا ټینګار وکړ او ایراني شرکتونو ته یې په افغانستان کې د پانګونې بلنه ورکړه.

یو شمېر سوداګرو د کانونو او پټرولیم وزارت له سرپرست سره په کتنه کې د ۱۲۰ میلیونو ډالرو په ارزښت د نفتو د تصفیې د یوې فابریکې د جوړولو لپاره چمتووالی اعلان کړ.

د صنعتکارانو د ټولنې مسوولینو د دې ټولنې په همکارۍ او یو سوداګر چې تازه هېواد ته راستون شوی، د کابل د پلچرخي په صنعتي پارک کې د یو میلیون ډالرو په ارزښت د جامو د یوې فابریکې د پرانیستلو اعلان وکړ.

د کانونو او پټرولیم وزارت وايي، د یوه چینايي شرکت مشر د دغه وزارت له رئیس سره په کتنه کې په بغلان کې د وروستیو سیلابونو له زیانمنو شویو کورنیو سره خواخوږي څرګنده کړه او له هغوی سره یې ۲۲ زره ډالره مرسته وکړه.

د هرات ولایت د سوداګرۍ او پانګونې خونې مشر محمد یونس غازي زاده وايي، تېر کال له دغه ولایت څخه د ۴۵۵ زره ډالرو په ارزښت ۳۳۰ کیلو ګرامه زعفران صادر شوي دي.

په کابل کې د ايران د اسلامي جمهوريت د بېلابېلو شرکتونو مسوولين د افغانستان شرايط د ايراني شرکتونو د پانګونې او فعاليت لپاره مناسب بولي او وايي چې ايراني پانګوال او شرکتونه چمتو دي چې په بېلابېلو برخو کې خپلې تجربې په افغانستان کې پانګونې او لېږدولو ته چمتو کړي.

په افغانستان کې د یونیسف ادارې له مشر سره په کتنه کې د کلیو د بیارغونې او پراختیا وزارت په متوازن انکشاف، کیفیت او په افغانستان کې د پراختیایي پروژو د تطبیق پر چټکتیا ټینګار وکړ.

د سرپرست حکومت د احصایې او معلوماتو ملي اداره وايي، تېر کال افغانستان د ۱۰،۳ میلیارد ډالرو په ارزښت واردات او صادرات درلودل.

د حکومت د ښار جوړونې او کور جوړونې وزارت سرپرست اعلان کړی چې د ایران د اسلامي جمهوریت یو شمېر پانګوالو د دغه وزارت له سرپرست سره په کتنه کې په افغانستان کې د کور جوړولو او ښاري پراختیا په برخه کې پانګونې ته چمتووالی ښودلی دی.

د مالیې وزارت د ایران د اسلامي جمهوریت د مرکزي بانک له پلاوي سره د دغه وزارت د پالیسۍ د وزیر د کتنې خبر ورکړ او ویې ویل، په دې کتنه کې دواړو لورو د دواړو هېوادونو ترمنځ د مالي او اقتصادي اړیکو د پراختیا په اړه بحث او خبرې وکړې.

د مالیې وزارت چارواکو د لوګر د مس عینک کان د قراردادي شرکت له رئیس سره د دغه وزارت د عوایدو او ګمرکونو د وزیر د کتنې او بحث په اړه د دغه کان د مالیاتو او د ګمرکي محصول د معافیت د پراختیا په اړه معلومات ورکړل.

د افغانستان د صنایعو او سوداګرۍ وزارت د افغانستان د صنایعو او کانونو خونې او د ایران د اسلامي جمهوریت د کانونو د انجینرۍ د سیستم د ادارې ترمنځ د همکارۍ یو تفاهم لیک لاسلیک کړ.

د کورنیو چارو وزارت د عامه امنیت ریاست د بدخشان ولایت په جرم او بهارک ولسوالیو کې د کوکنارو د کښت د له منځه وړلو خبر ورکوي او وايي چې د کوکنارو د کښت د له منځه وړلو بهیر به دوام وکړي.

د "صنایعو ملي او نړیوال نندارتون" په لړ کې چې پرون په کابل کې پرانستل شو، صنعتکارانو او د فابریکو خاوندانو د آوا له خبریال سره په مرکه کې، په نږدې راتلونکي کې ترکمنستان او ازبکستان ته د هېواد د کورنیو تولیداتو د صادرولو اعلان وکړ او ویې ویل، افغانستان د پرمختګ او پر ځان بسیا کېدو په حال کې دی. دوی دا هم زیاتوي چې حکومت دې په لنډه موده کې د صنعت په ...

د رئیس الوزرا سیاسي مرستیال مولوي عبدالکبیر د ازبکستان له لوړ پوړي پلاوي سره په لیدنه کې ویلي، چې د افغانستان اسلامي امارت هڅه کوي، چې منځنۍ اسیا او جنوبي اسیا د اورګاډي او سړکونو له لارې وصل کړي.

د سرپرست حکومت د صنایعو او سوداګرۍ وزارت د دغه وزارت له چارواکو سره د ایران د اسلامي جمهوریت د پلاوي د کتنې خبر ورکړ او ټینګار یې وکړ چې د افغانستان د کانونو په برخه کې به د ایران د انجنیرۍ سیسټم دفتر جوړ شي.

په خوست ولایت کې د څه باندې ۱۸ میلیونه افغانیو په ارزښت د اوبو د اتو کوچنیو بندونو د جوړولو چارې بشپړې او ګټې اخیستنې ته وسپارل شوې.

د ترانسپورت او هوايي چلند وزارت وايي، د افغانستان او پاکستان اقتصادي چارواکو د لاریو چلوونکو لپاره د موقت سند پر صادرولو هوکړه کړې ده.

د هېواد د اوسپنې پټلۍ اداره وايي، د روان کال په ترانسپورتي میاشت کې څه باندې ۳۵۰ زره ټنه سوداګریز توکي د اورګاډي له لارې لېږدول شوي دي.